Unha pelexa entre unha nai e o seu fillo nun piso de Fingoi mobilizou o mércores á Policía Local. Sobre a unha do mediodía, o pai chamou ao 092 para dicir que o menor estaba a agredir á súa proxenitora. Con todo, ao chegar os axentes, asegurou que fora unha discusión verbal. Os policías comprobaron que nin a nai nin o fillo presentaban feridas e ambos confirmaron que tan só fora unha rifa.
