Un novo altercado nocturno na zona da Rúa Tui saldouse cunha muller detida por enfrontarse á Policía e negarse a facilitar os seus datos.
O altercado rexistrouse de madrugada, cando a Sala do 091 recibiu unha chamada porque dous grupos de persoas estaban a pelexarse en plena rúa. Os axentes acudiron ao lugar e observaron que dous homes e unha moza discutían con outra cuadrilla, composta por dous homes e dúas mulleres. A moza que formaba parte do primeiro grupo lle contou aos policías que quería acceder ao baño dun local, pero foi agredida por outras mozas que estaban dentro, polo que tivo que intervir o persoal de seguridade do establecemento.
Os axentes acougaron os ánimos e identificaron a todos os participantes na disputa. Nese momento, unha das presuntas agresoras negouse a identificarse e comezou a insultar e a empuxar aos policías. A muller foi trasladada a comisaría, onde tamén se negou a facilitar os seus datos, polo que finalmente foi detida por un delito de desobediencia.
