Ambos foron trasladados en ambulancia ao Hospital Lucus Augusti debido ás lesións que sufriron no altercado.
Presentaban feridas de arma branca na cara. Un precisou uns dez puntos de sutura e o outro, trece. Ademais, un deles tamén sufriu un corte nunha man.
Os dous implicados na liorta, que foron detidos por axentes da Policía Nacional, xa pasaron a disposición xudicial e o maxistrado deixounos en liberdade con sendas ordes de afastamento. Non transcendeu o motivo polo que ambos os home dirimiron as súas diferenzas a navalladas.
Non foi esa a única pelexa rexistrada en Lugo ao longo do fin de semana e veciños tamén denunciaron que na madrugada do domingo produciuse un altercado no centro de Lugo, na contorna dun establecemento de hostalería. Alarmados, algúns lucenses destacaron que chegaron a voar mesas e cadeiras e unha persoa tivo que ser evacuada en ambulancia.
