Unha pelexa nun establecemento de hostalería da Rúa Mallorca, rexistrada o pasado venres, saldouse cunha persoa detida e outras dúas imputadas. O altercado rexistrouse sobre as nove e media da noite, cando unha muller e dous homes tomaban algo nun bar e a moza chamou a outro mozo que estaba cerca, ao que, segundo dixo, coñecía con anterioridade porque estudaran xuntos".
O mozo achegouse ao grupo e os dous homes que estaban coa moza comezaron a meterse con el. Os amigos da vítima –que segundo afirmaron os seus coñecidos padece unha discapacidade psíquica– achegáronse rapidamente para defendelo e nese momento produciuse unha discusión entre os dous grupos.
No transcurso da disputa, un dos dous homes que acompañaban á muller golpeou a un amigo do discapacitado na cara e rompeulle o nariz. O ferido logrou zafarse e escondeuse no baño do establecemento ata que chegou a Policía Nacional. Tal e como explicou o luns o portavoz do corpo, os axentes identificaron a todos os implicados e finalmente detiveron ao presunto autor da puñada que lle partiu o nariz ao home. Os policías imputaron ademais a outras dúas persoas pola súa vinculación coa disputa.
O presunto agresor e os seus acompañantes, tal e como aseguraron varios veciños, xa protagonizaron outros incidentes similares pola zona da Milagrosa.
