O grupo municipal do Partido Popular denunciou este luns que o Concello denegou a entrada dos seus edís na fábrica da luz para comprobar o estado no que se atopa esta instalación. O edil popular Antonio Ameijide lamentou a negativa e preguntoulle a Lara Méndez que ten que ocultar na fábrica da luz para ser "tan hermética" con esta dotación.
O concelleiro popular criticou o veto de entrada xa que "é preciso" comprobar o estado do interior do edificio e saber se están alí as turbinas que teñen un valor, segundo a sentenza xudicial, de 724.090 euros. "Ter elementos dese valor nun edificio abandonado e sen vixilancia é moi grave. Non entendemos a negativa á nosa entrada, seguramente teñan algo grave que ocultar", dixo.
Pola súa banda, desde o Concello xustificouse esta postura "debido a que as instalacións están inmersas aínda nun proceso xudicial, xa que a última dás sentezas ditadas aínda non é firme".