Os luceneses poderán gozar do parque urbano das Gándaras a partir desta semana. O Concello de Lugo programou visitas ao novo espazo verde da cidade de venres a domingo durante os meses de agosto e setembro. Os máis pequenos tamén poderán coñecer este bosque mediante os talleres infantís programados para o verán.
A entrada é gratuíta pero será necesario inscribirse previamente enviando un correo a strong <>[email protected]. Estas rutas guiadas contarán con dúas quendas, unha de mañá e outra de tarde.
As visitas da primeira quenda terán unha duración dunha hora e terán comezo tanto ás 10.00 horas e como ás 11.30 horas. Pola contra, a quenda de tarde só contará coa opción de realizar unha ruta de dúas horas que empezará ás 17.00 horas. Mentres tanto os lucenses que desexen explorar o complexo de forma individual poderán acceder ao parque de venres a domingo desde as 9.30 horas ata as 19.30 horas.
Por outra banda, o primeiro taller infantil terá lugar o sábado 7 de agosto e contará cun conta contos e unha visita guiada polo bosque. Realizaranse dous pases, un ás 11.00 horas e outro ás 18.00 horas.
Desde o Concello defenden que as visitas e talleres axudarán a que os lucenses descubran aos poucos este espazo
VEXETACIÓN. O bosque conta con strong <>un xardín botánico que alberga 15.000 exemplares e oito cultivos enerxéticos. Ao longo da súa extensión tamén se atopan oito bosques autóctonos con máis de 50 especies arbóreas. Este espazo sitúase entre os dous grandes parques industriais da cidade e ten como obxectivo ser o novo pulmón urbano de Lugo.
A súa construción encádrase no proxecto Life Lugo+Dinámico que busca reducir as emisións de carbono e asentar unha economía verde na cidade.
Desde o Concello defenden que as visitas e talleres axudarán a que os lucenses descubran aos poucos este espazo . Neste sentido a alcaldesa, Lara Méndez, apuntou que o acceso estivo restrinxido ata o momento xa que "a vexetación atopábase en período de implantación e o acceso limitouse ao persoal da Universidade, encargado de realizar tarefas de investigación e mantemento dás diferentes especies".
