Axentes da Policía Local de Lugo tiveron que intervir a pasada madrugada para parar unha "festa" que se estaba celebrando no interior dun piso e que molestaba aos demais veciños do edificio a causa do ruído que chegaba desde ese inmoble pasadas as catro da madrugada.
Sobre as 04:30 horas, unha patrulla da Policía Local, tras as queixas dos veciños, acudiron a un edificio da Avenida de Magoi.
Antes de entrar, comprobaron que unha das fiestras do piso estaba aberta e escoitábanse nas súas interior voces e música que estaba posta cun volume moi alto.
Posteriormente, comprobaron que no interior da vivenda "estaba a levarse a cabo unha festa na que participaban oito persoas".
Tras falar coa inquilina, os invitados abandonaron o inmoble e os axentes levantaron acta por unha infracción da Ordenanza de Protección Ambiental.
Ademais, a Policía Local de Lugo informou de que este martes levantou varias actas de infracción na cidade de Lugo pola non facer uso de máscaras de protección en espazos nos que non é posible manter a distancia de seguridade.