Estas festas están a resultar "especiais", como asegura el, para o pai que respirou aliviado cando un xulgado de Lugo acordou suspender a resolución da Xunta lle obrigaba a entregar aos seus dous fillos, de 11 e 15 anos de idade, para trasladalos a un centro de acollida debido " tensión" que supostamente sofre ao ter que coidalos só.
"Non podería gozar se non estivesen, pero como non puideron quitarmos, tanto a miña exmuller como eu estamos a gozar do Nadal con eles", afirmou este mércores Manuel Díaz.
Os dous nenos pasaron a Noiteboa co seu pai no seu domicilio da capital lucense e tiñan previsto este mércores ir pasar uns días a casa da súa nai, que refixo a súa vida con outra parella.
Ademais, deuse a coincidencia de que este mércores cumpría 17 anos a primoxénita da parella, que está emancipaba. Vive na Mariña, onde compaxina os seus estudos co seu traballo. "É unha nena moi boa e que é moi madura", asegurou o seu pai. Manuel Díaz afirmou que lle preocupa que os seus dous fillos "estean tranquilos" logo de "pasalo moi mal" pola ameaza que pendía sobre eles de separalos do seu pai.
Este pai precisou que "non está desbordado", senón que lle están desbordando"
Recordou que o menor dos irmáns "tremía" o pasado xoves antes de que se celebrase a vista na que a xuíza acordou suspender a resolución da administración autonómica.
A xuíza sentenciou que se os nenos ingresaban nun centro de acollida suporía "un prexuízo irreparable". Apreciou que os menores expresan "satisfacción na convivencia co seu pai e total rexeitamento a afastarse del". Ademais, a maxistrada apuntou que "contan coa súa nai, xa que existe un réxime flexible de visitas e unha relación cordial entre os proxenitores ".
FUXIDA. Manuel Díaz explicou que o seu fillo de 15 anos chegoulle a expor que fuxisen "a Bruxelas", como o expresidente da Generalitat de Cataluña, Carles Puigdemont, segundo lle dixo, para que non lles puidesen separar.
Este pai, que precisou que "non está desbordado", senón que lle están desbordando", considera que intentaron provocar que "perdese os estribos" para xustificar a súa medida cando da noite para a mañá che din que quedas sen os nenos para que se vaian a un centro de acollida".
Recordou que debido a esta situación, que cualificou como "unha animalada ", perdeu peso e non puido ir traballar algún día debido a que estaba "atacado dos nervios".
