Pai e fillo, que se dedicaban a vender a tendas 24 horas e bares da capital lucense, Sarria e Castro de Ribeiras de Lea tabaco louro de contrabando que importaban de Andorra e en menor medida de Málaga e que ademais trapicheaban con haxix, aceptarán cada un unha condena de 14 meses de prisión en total por ambos os delitos.
A aplicación da atenuante de dilacións indebidas, pois o caso remóntase a hai sete anos, e o feito de que trapicheasen con haxix, que non está cualificada como unha droga que causa grave dano á saúde, como si sucede coa cocaína e a heroína, propiciou unha substancial rebaixa da petición do ministerio público, que inicialmente era de 9 anos de cárcere para cada un.
A outros tres acusados imporáselles unha pena de 9 meses de prisión a cada un por un delito de contrabando.
Estes cinco procesados terán ademais que abonar unha multa que vai desde os 17.000 ata
Un sexto acusado non chegou a un acordo coa Fiscalía, polo que arrincaba este xoves na Audiencia Provincial de Lugo o xuízo contra este, que se prolongará ata o martes.
Como este procesado non a aceptou, a conformidade dos outros cinco, que xa non tiveron que prestar este xoves declaración no xuízo, non será firme ata que conclúa a vista a próxima semana.
provedores e clientes. A Fiscalía considera que antes de 2013 pai e fillo dedicábanse "de maneira habitual e como único medio de vida" ao contrabando de tabaco na provincia de Lugo, para o que dispuñan de "varios provedores" e "unha ampla carteira de clientes, formada maioritariamente por negocios de hostalería".
Os dous principais acusados, que segundo o ministerio fiscal utilizaban "unha linguaxe velada" na súa relación con provedores, e clientes, almacenaban a mercancía ilegal "en locais afastados da súa actividade diaria e propiedade de terceiras persoas alleas ao contrabando".
Para evitar a súa responsabilidade penal adoitaban transportar en cada viaxe que realizaban a Andorra unha cantidade de tabaco cun valor inferior a 15.000 euros. Ademais, segundo a acusación pública, cos beneficios que obtiñan co contrabando non adquirían bens ao seu nome, senón que o facían con cargo a familiares, para
eludir así que fosen obxecto dunha investigación patrimonial.
A Garda Civil detiña a pai e fillo, en xullo de 2013, cando circulaban pola autovía A-6 nun turismo, en cuxo maleteiro os axentes acharon 250 cartóns de tabaco louro -2.500 paquetes-, que carecían do correspondente precinto de Tabacalera. O seu valor total era de 11.320,25 euros.
A outros tres acusados arrestounos a benemérita en outubro de 2014 en dous controis establecidos en Portela de Valcarce (León) e Becerreá. Un era interceptado cando transportaba nunha furgoneta alugada unhas 25.120 paquetes, valoradas en 109.272 euros, e os outros dous exercían labores de lanzadeira e contravixiancia. Ao sexto comisáronlle en tres ocasións 1.951 paquetes, taxados nuns 8.465 euros.