A facultade de Formación do Profesorado leva dous anos sen un pavillón para dar clases que resultan esenciais para os seus alumnos e a esixencia dunha solución por parte do centro universitario ha dado lugar a un acordo para a cesión dun pavillón do colexio Anexa, unha decisión que provoca o rexeitamento do anpa do colexio, que anuncia mobilizacións.
As familias coñeceron o acordo con Profesorado agora, cando están a piques de comezar as obras para acondicionar o pavillón, unha instalación que, aseguran, ten moito uso e que, defenden, o colexio necesita.
É o único espazo do colexio onde se poden facer actos grandes nos que teñan cabida todos os alumnos, pero tamén se utiliza en clases de deportes e para as actividades extraescolares, ademais de para os recreos, sinala o anpa, que destaca que o colexio ten preto de 670 alumnos.
En Profesorado recordan que a facultade cedeu no seu día o seu pavillón á Anexa co compromiso de que, a cambio, terían o uso do pavillón do Politécnico, unha solución que non se lles garantiu os dous últimos anos, co consecuente prexuízo para os estudantes universitarios.
Ante esa situación chegouse con Educación a un acordo polo que Profesorado pasará a ter o uso dese pavillón da Anexa, que se utilizará para as materias de Educación Física e para as de Plástica, dado que a aula no que agora se imparte esa materia vaise a ceder á Anexa.
En Profesorado remarcaban que non van recuperar as instalacións deportivas que cederon no seu día e que a cesión é dun espazo, que hai que acondicionar completamente, que se usaba esencialmente para os recreos.
Os pais rexeitan a solución, que ven absurda cando a idea é trasladar Profesorado ao campus.
