O colectivo Agromuralla, que convocou en solitario a tractorada que comezou en Lugo o pasado 10 de decembro, comezará este martes "a visitar" os comercios da cidade para identificar a aquelas tendas que "si están a cumprir" o acordo lácteo asinado polos diferentes axentes do sector.
En declaracións a Efe, o portavoz de Agromuralla, Roberto López, explicou que a súa intención é percorrer as tendas de alimentación do centro da cidade e colocar na porta dos establecementos, sempre que os seus propietarios llelo permitan, un cartel que distinga a aqueles que teñen "os cartóns de leite nos seus lineais por encima de 63 céntimos".
Pola tarde, os gandeiros volverán desprazarse a un hipermercado situado no parque empresarial do Ceao para "informar os consumidores" da situación do sector lácteo.
Os gandeiros empezan a "visitar" os comercios do centro de Lugo para ver se están a cumprir o acordo
O portavoz de Agromuralla afirmou que colocarán carteis que distingan aos que teñen os cartóns de leite por encima de 63 céntimos
