As obras de ampliación do cemiterio municipal de Lugo están a avanzar rapidamente e a estrutura de gran parte dos novos nichos xa está concluída.
A construción arrincou a principios de xuño e o plan inclúe a posta a disposición dos lucenses de 407 novos nichos, 23 criptas e 140 columbarios na necrópole de San Froilán.
É a primeira ampliación do camposanto lucense en moitos anos, xa que os últimos servizo creados alí foi o xardín dos recordos, inaugurado en 2006.
Durante os últimos anos, a poboación foi crecendo e o cemiterio íase quedando sen capacidade para atender as necesidades de enterramentos.
A concesión dos novos nichos, segundo a ordenanza municipal, farase por vinte e cinco anos, cunha taxa anual de 82,25 euros, mentres que o custo das criptas é de 253,17 euros e o dos columbarios é de 28,69 euros. No caso de solicitar un nicho de urxencia, a taxa ascende a 643,16 euros.
As obras foron adxudicadas pola concellaría de participación e servizos, que dirixe Cristina López por un importe de strong <>307.784 euros, 58.000 menos do que estaba previsto inicialmente, e un prazo de execución de seis meses.
