As obras de construción da pasarela peonil sobre a N-VI á altura do estadio Ángel
En concreto, o Concello anunciou que haberá cortes no ramal de saída cara á Avenida dos Deportes desde o carril en dirección á Coruña. Trátase do punto desde o que se accede á gasolineira Galp e ao hipermercado de Carrefour.
Os cortes débense á construción da rampla de acceso norte á pasarela. Produciranse a partir de mañá, ás nove da mañá. A previsión é que o corte se manteña ata o venres pola tarde.
No entanto, se os traballos conclúen antes, a circulación pola zona restableceríase. Como desvío alternativo se habilitará a seguinte saída, a da Avenida das Américas.
Unha vez instalada a rampla, poranse xa as varandas e a iluminación, así como o mobiliario previsto. A construción da pasarela sobre a N-VI ten un orzamento de 971.250 euros.
