Unha firma coruñesa especializada en servizos á terceira idade solicitou licenza municipal para reformar e adaptar a antiga sede da Cámara de Comercio en Augas Férreas
Detrás deste proxecto hai en realidade dúas firmas coruñesas, a dona do edificio e a que fará o investimento, e a que xestionará o centro. Esta última ten xa unha residencia deste tipo na Coruña e dous centros de día e presta axuda a domicilio en varios concellos de Galicia.
Intervención
O edificio non se tocará no seu exterior pero no interior será necesario facer unha reforma case integral, aínda que se conservarán a gran claraboia e os patios, segundo avanzou o promotor do proxecto. Tampouco se tocarán as fiestras, moi numerosas e que serán un plus porque permitirán que un gran número de estancias dispoñan de abundante luz natural.
O investimento previsto para adaptar o edificio é de
O centro será privado e, aínda que os prezos da habitación non están pechados, os promotores avanzan que estarán "na gama alta", en consonancia coas características do proxecto.
Un edificio singular
Trátase dun inmoble con características arquitectónicas que recordan o estilo inglés e que o fan singular. O inmoble ten unha boa situación, xa que está na zona máis nova da cidade e moi poboada. A súa localización permitirá aos seus usuarios facer vida de comunidade, destacan os promotores, que aseguran que o proxecto, que acaba de facerse público, xa está a espertar interese en familias da cidade.
A singularidade do edificio é un dos valores deste proxecto social, pero para outras firmas do sector a quen se presentou o proxecto e que descartaron embarcarse nel tamén é un condicionante. Nunha proposta inicial expúñase abrir fiestras na planta baixo cuberta, o que ao seu xuízo desvirtuaría a estética do inmoble, en cuxo interior vía tamén algunhas dificultades.
O proxecto ten xa o informe favorable do servizo municipal de Enxeñería e agora está pendente de obter o visto e prace de Arquitectura, aínda que este podería tardar un tempo porque é "un proxecto complexo de mirar", afirmou o edil de urbanismo, Álvaro Santos.
O inmoble foi vendido hai tempo por Abanca, que se fixo coa propiedade tras o colapso económico que sufriu a Cámara de Comercio, que perdeu as súas dúas sedes na cidade.
Unha residencia con 184 prazas en Acea de Olga
O de Augas Férreas é o segundo proxecto para a construción dun xeriátrico na mesma zona da cidade. Moi preto, na confluencia entre Afonso X e Estrada da Granza está prevista outra residencia con 184 prazas.
O grupo Thor está á fronte dese proxecto, que prevé o investimento de 10 millóns nun grande edificio con dúas ás.