Practicamente non hai semana sen algún susto automobilístico na Ronda do Carme. Conflúen dous factores: a excesiva velocidade á que circulan os vehículos pola vía e a posibilidade de aparcar nas prazas dispoñibles á dereita.
Este domingo varios turismos víronse implicados nunha pequena colisión cando un deles intentaba saír do estacionamento. Pouco despois, unha patrulla da Policía Local presentouse no lugar.
Como consecuencia do contratempo, o tramo da vía estivo cortado ao tráfico durante uns minutos.