Ata tres vehículos víronse involucrados este xoves nun choque que tivo lugar na esquina da Rúa Angelo Colocci e Santo Grial, un punto negro da Piringalla no que se produciron incidentes similares con anterioridade.
Un dos turismos, que circulaba por Angelo Colocci, saltouse un Stop, o que fixo que se precipitará sobre o cruzamento cando circulaba outro coche. Ao chocar víronse tamén implicados os que ían xusto detrás destes dous coches.
Aínda que non se produciron feridos, o suceso tivo lugar xusto cando cruzaban dúas persoas que, segundo testemuñas presenciais, libráronse dun golpe polos pelos.
