A provincia de Lugo rexistrou un novo aumento de casos activos de coronavirus. Segundo os datos ofrecidos polo Sergas hai 268 lucenses contaxiados, polos 262 que había o martes e os 253 do luns.
Con todo, logrou retardarse o ritmo de contagios, xa que nas últimas 24 horas detectáronse once novos positivos por PCR, mentres que na xornada anterior foran 20.
En canto á presión hospitalaria, as cifras mantéñense estables con respecto ao martes. Os hospitais da provincia contan con 12 pacientes ingresados, un máis que na xornada anterior, aínda que se reducen os enfermos nas Uci (pasan de dúas a un). Dos ingresados en planta, seis están no Hula, catro na Mariña e un en Monforte.
Desde o inicio da pandemia curáronse un total de 12.416 persoas na provincia e faleceron 224, aínda que o Sergas contabiliza unicamente 216 ao non contar a algúns pacientes lucenses que morreron noutras áreas sanitarias.
GALICIA. Galicia rexistrou 82 novos contagios por coronavirus, 8 menos que o día anterior, e suma tres días consecutivos por baixo do centenar, o que deixa o número de persoas infectadas ou enfermas en 2.208, 2 menos que un día antes.
Segundo os datos do Servizo Galego de Saúde, ata as 18.00 horas do martes había nas unidades de críticos de hospitais galegos 21 enfermos de covid-19, catro menos que o día anterior, mentres que en planta produciuse un leve ascenso, ata as 90, seis máis.
CONTAGIOS. Desde o inicio da pandemia en Galicia contaxiáronse 126.997 persoas, das que se curaron 122.396, e faleceron 2.420.
As probas realizadas PCR ascenden a 2.260.108, das que 5.312 foron nas últimas horas, que deixan unha taxa de positividad nestas probas do 1,46 %.
ÁREAS SANITARIAS. Por áreas sanitarias, Vigo segue sendo a máis afectada e repite con 662 casos activos, mentres que Coruña modera a caída de afectados, con 361, seis menos.
Santiago de Compostela volve alcanzar os 400 casos nesta xornada, tras 14 novos contagios, mentres que Ferrol (108) e Lugo (268) continúan tamén coa tendencia á alza dos últimos días.
En cambio, na área de Pontevedra volve caer con intensidade, ata os 248 casos, mentres que na de Ourense mantense estable con 164 persoas infectadas.
