Os alumnos de sexto de primaria do colexio Illa
A Anpa do centro asinou este mércores un convenio de colaboración coa Federación de Comercio que ten como fin apoiar a recuperación económica do comercio. Os nenos disporán de tarxetas prepago para facer comprar no comercio de proximidade.
Os escolares organizaran ao longo do curso diversas actividades, con apoio da Anpa, para reunir fondos para a viaxe co que pensaban pechar o fin do seu paso pola educación primaria. A crise sanitaria levou por diante a posibilidade de facer a viaxe, na que ían estar acompañados por profesores do centro.
Como o diñeiro reunido quedaba sen gastar, as familias e a Anpa barallaron distintas opcións e ao final decidiron que os fondos poderían gastarse no comercio minorista de Lugo para apoiar a súa recuperación da difícil situación en que se atopa como consecuencia da crise sanitaria.