O centro de recuperación de fauna do Veral coida dous exemplares de falcón peregrino nacidos no niño descuberto a mediados de abril na Ronda do Carme.
O niño contaba con catro ovos e naceron tres pitos, pero dous tiveron problemas para empezar a voar en liberdade e foron recollidos para poder axudar ao seu desenvolvemento ata que estean en condicións de volver á natureza. O outro seguiu a súa crianza en liberdade.
Os que están a ser coidados nas instalacións da Xunta no Veral van superando os problemas que sufrían e que impedían o seu crianza libre na natureza.
O niño localizouse a mediados de abril e foi protexido para evitar alteracións ou prexuízos ao proceso natural de cría da especie, incluída nun réxime de preservación.
O niño contaba con catro ovos e foi localizado na zona de Ronda do Carme, no centro urbano da cidade, exposto ao paso de veciños e curiosos, polo que os axentes ambientais adoptaron medidas para protexelo e impedir o acceso de persoas.
A intervención pretendía garantir o proceso de cría sen que nada alterase a tranquilidade, nin dos ovos nin do exemplar que afai aniñar todos os anos nesa mesma zona da cidade, sinalou entón a Xunta.
O falcón peregrino está catalogado como
A presenza da especie está a xerar gran expectación en Lugo. A moitos lucenses chámalles a atención en especial a presenza de polo menos un falcón na catedral. Dado que é un depredador de pombas, a súa presenza contribúe a controlar a poboación de pombas, neste momento bastante descontrolada na cidade, o que supón un problema para, entre outras cousas, a preservación do patrimonio.
