A capital lucense rexistrou este venres un cómputo de trece horas de frío. Esta estimación é feita por Meteogalicia ao redor dun parámetro: se hai menos de sete graos centígrados, fai frío.
A intensa néboa que circundó Lugo este venres pola mañá, ata o mediodía, contribuíu en gran parte a esas trece horas de xelidez rexistradas nos termómetros.
A temperatura mínima alcanzada na estación que ten Meteogalicia no campus foi de 2,8 graos centígrados. A máxima resultou ser de 17,1, á que se chegou cando o sol logrou imporse á néboa.
A temperatura de Lugo capital tamén foi das máis baixas que houbo este venres na provincia pero non a mínima. Onde máis frío fixo foi, segundo Meteogalicia, na parroquia de Lanzós, en Vilalba, onde se rozaron os cero graos.
Sen dúbida, o deste venres foi un dos días máis fríos deste mes de novembro, no que Meteogalicia rexistrou unha temperatura media en Lugo de 10,6 graos.
Por outra banda, o novembro que estamos a piques de despedir do calendario de 2020 tamén se caracteriza, meteorolóxicamente, por ser máis ben escaso en choivas, en relación ao que vén sucedendo outros anos por estas mesmas datas.
Deste xeito, a estación do campus de Lugo rexistrou só catorce días de auga ao longo do mes, algo menos da metade.
Pero tan típico como a choiva no outono lucense é a capa de néboa que envolve Lugo cidade, con bastante frecuencia, a partir de finais de setembro. Xeralmente, a néboa dá paso, ao longo das horas, ao sol e a temperaturas bastante agradables aínda que tamén por estas datas son habituais as chamadas "néboas de San"
