A nai do bebé que sufriu unha intoxicación por cannabis poderá ver ao neno tres días á semana. Os encontros celebraranse no punto de encontro e terán unha duración de polo menos hora e media.
Esas son as condicións de visita que fixou o servizo de menores da Xunta na resolución sobre a tutela e acollida do menor, que pasou ingresado unha semana no hospital.
A nai, en todo caso poderá solicitar que se modifique ese réxime de encontros co neno, de 16 meses. De feito, a proxenitora presentou a finais da pasada semana un recurso reclamando que non se apartase ao neno da familia, especialmente tendo en conta a curta idade que ten o menor.