A Nacional VIN quedará cortada este mediodía ao seu paso pola cidade de Lugo para a instalación do paso peonil elevado que dará acceso á nova pasarela construída polo Concello nas Saamasas, a altura do estadio Ángel Carro.
Segundo informou o goberno local, será necesario realizar un corte de tráfico na estrada Nacional VI, que estará debidamente sinalizado, a partir das 14.00 horas deste xoves.
A circulación quedará restablecida axiña que como finalicen os traballos de instalación do paso elevado, antes do amencer do venres —día 4 de xuño—.
Estes traballos obrigarán tamén a cortar o ramal desde Nacional VI en dirección A Coruña cara ao Carrefour.
A empresa encargada de executar os traballos é Taboada e Ramos, que se fixo co contrato por algo menos dun millón de euros, orzamento financiado ao 80% con fondos europeos FEDER.
"Con esta estrutura créase un novo itinerario para peóns e bicicletas", precisa o goberno local, que facilita a conexión do centro urbano de Lugo coa ribeira do río Miño.