A Policía Nacional volveu actuar o pasado fin de semana no eixo negro da movida lucense, o que vai de Camiño Real a Fonte dos Ranchos, que concentra un bo número de locais conflitivos. Nun deles, segundo informou a propia Policía, detectouse que estaba aberto fose do horario permitido, polo que se realizou a correspondente proposta de sanción e procedeuse ao seu peche.
Ademais, os axentes comprobaron que dentro había dúas persoas sen máscaras, polo que tamén foron sancionadas, máis unha terceira por fumar dentro do local. Con todo, os policías aínda tiveron máis traballo entre a parroquia do pub: outro dos clientes foi multado por estar
Trátase dun máis dos múltiples controis que a Policía Nacional está a desenvolver en Lugo para o control das medidas sanitarias de seguridade polo Covid-19. Desde a finalización do estado de alarma e o comezo da situación de urxencia realizáronse un total de 21 actas de infracción pola non utilización das medidas de protección establecidas.
Tamén se están controlando de xeito exhaustivo todos aqueles casos dos que se ten coñecemento que están en corentena e non poden saír dos seus domicilios, sobre os que leva un control diario a diferentes horas para comprobar que se cumpren as medidas sanitarias que se estableceron.
