Un home acabou en comisaría acusado dun delito contra a seguridade do tráfico e de coaccións tras ser denunciado por unha lucense que se viu envolvida nun incidente o pasado 8 de xaneiro, na rúa Xosé Castiñeira
A denunciante narrou a El Progreso unha situación que provocou que o seu fillo "teña estes días pesadelos, porque levou un susto tremendo". Segundo recorda, "serían as seis da tarde e eu incorporeime desde Augas Férreras a Xosé Castiñeira. Creo que o mozo xa viña pintando desde atrás. Non sei a quen, porque nesa rúa sempre hai moitos coches en dobre fila. Nun momento acelerou, púxose diante de min, freou, baixouse do coche e púxose a bracear e gritar como un tolo".
"Eu nin sequera sabía que se dirixía a min", comenta, "pensaba que falaba con outro mozo que estaba aparcado á beira. Como tiña o móbil na man, fixen unha foto. Xa veu cara a min, abriume a porta e empezou a zarandearme e dicíame: Que me deas o móbil, raposa. Todo diante do neno, que se soltou do cinto e abrazouse a min. Eu puiden apartalo e pechar a porta".
A denunciante: "ela empezou a zarandearme e dicíame: 'Que me deas o móbil, raposa'. Todo diante do neno, que se abrazou a min"
A actitude violenta do home, asegura, non cesou, senón que "despois de que eu botáseo do coche empezou a pegarlle puñadas ao parabrisas como un tolo". Co medo o corpo e moi nerviosa, tratou de arrincar e marcharse, "pero el non me deixaba; púñaseme diante co seu coche e cada pouquiño el freábame. O neno encima desatouse para abrazarme e non me deu tempo a porlle o cinto e levoume freado cada pouco ata un local de xogos infantís que hai en Avenida de Madrid".
A VERSIÓN DO DENUNCIADO. Ela asegura que coa súa denuncia puido achegar un vídeo que gravaron un par de mozas que viron todo e que a buscaron para darllo, aínda que este diario tamén puido porse en contacto co denunciado e a súa versión difire totalmente. "O que sucedeu foi exactamente ao revés de como o conta ela", replica, "eu o que tratei en todo momento foi de evitar un accidente. Cando ela se incorporou desde Augas Férreas fíxoo sen sinalizar nin nada e estivo a piques de chocar contra un coche que estaba aparcado, facía cousas rarísimas. Pensei que ía bebida. Adianteina e parei para ver se estaba ben, sobre todo porque vin que ía cun neno pequeno e preocupeime".
O denunciado: "Pensei que ía bebida. Parei para ver se estaba ben, sobre todo porque vin que ía cun neno pequeno e preocupeime"
"Desgraciadamente", explica este home, "a miña nai bebía e se o que é ir nun coche cunha persoa bebida, por iso me preocupei. Cando baixei xa vin que me facía fotos co móbil e cando lle preguntei que facía púxose a gritarme e a dicirme que ía co seu fillo e que ía chamar á Policía. Cando me empuxou xa vin que non se podía razoar con ela e funme". "O malo", lamenta, "é que despois se puxo detrás de min e xusto no semáforo que hai diante da miña casa estivo a piques de darme outra vez por detrás".
