sábado. 04.12.2021 |
El tiempo
sábado. 04.12.2021
El tiempo

Unha muller asume ante o xuíz que danou os coches dunha parella en sete ocasións

Edificio de los juzgados de Lugo, en la Praza de Avilés. SEBAS SENANDE
Edificio de los juzgados de Lugo, en la Praza de Avilés. SEBAS SENANDE

Unha lucense recoñeceu este xoves ante o xuíz do Penal número 1 de Lugo que foi a autora dos danos ocasionados ata en sete ocasións en dous turismos —propiedade dunha parella—, cando se atopaban estacionados nun garaxe comunitario da capital. Os feitos sucederon nos meses de novembro e decembro de 2017 e os danos totais ocasionados nos coches foron taxados en 2.547 euros. 

A muller foi acusada dun delito continuado de danos, tipificado no artigo 263 do Código Penal, polo que a Fiscalía de Lugo solicitaba inicialmente unha condena de 5.400 euros de multa. Pedía ademais que indemnizase os afectados polos danos ocasionados nos coches. Con todo, a acusada recoñeceu os feitos ante o maxistrado e pactou unha redución de pena coa acusación pública, polo que xa non foi necesario celebrar a vista.
 

Unha muller asume ante o xuíz que danou os coches dunha parella en...