A Mutualidad Xeneral de Funcionarios Civís do Estado (Muface) informa, en relación á denuncia efectuada por unha lucense beneficiaria de Muface de 78 anos, por non ser vacinada aínda, que a relación co Sergas é fluída.
A Mutualidad asegura que os mutualistas non poden actualizar os datos no Sergas, ao non existir integración, e que a cesión de datos articulouse por franxas de idade ou grupos poboacionais.
Muface di tamén que carece de competencia en planificación de actuacións de saúde pública ou envorcado de datos nos sistemas autonómicos.
Esta aclaración chega logo da denuncia dunha lucense de 78 anos, que lamentaba qu eno houbese ningunha previsión da data na que se poderá vacinar, o que a ten sumida nunha gran preocupación e nun periplo constante entre Sanidade e a mutua.
"É moi frustrante porque o Sergas di que Muface non lle enviou os datos, Muface di que si o fixo, xa en marzo. O Sergas dime que non existo, que non me poden chamar para citarme porque non teñen os meus datos", explicaba hai uns días a este xornal.
