Unha moza de 17 anos denunciou ser vítima de tocamentos por parte dun home nas costas do parque Rosalía de Castro, onde acudira a pasear polo recinto feiral. O suceso rexistrouse o sábado pola parte traseira das casetas do polbo, cando a muller foi abordada polo abusador, que comezou a realizarlle tocamentos.
A moza logrou escapar e chamou á Policía Local. Unha patrulla auxiliou á moza, quen describiu ao agresor, aínda que nun principio a afectada non quería presentar denuncia. Os axentes recordáronlle que para iniciar o proceso de procura do home tiña que denunciar formalmente os feitos, polo que lle informaron que podía acudir en calquera momento á comisaría da Policía Nacional.