"Tívenme que topar de fronte con 9 rapaces que empezaron a dicirme cousas e rirse", explicaba na mensaxe que colgou na rede social do pajarito.
Ante esa situación a moza relatou que "só puiden acelerar ou paso, subirlle a tope o volume os cascos e apertar as chaves moi forte non peto da chaqueta e que puta rabia".
Este episodio intimidatorio desatou un aluvión de mensaxes de apoio a esta moza lucense nas redes sociais por considerar que fora vítima dun acto "noxento" e "intolerable".
Unha das persoas que se puxo en contacto coa denunciante foi o tenente de alcaldesa do Concello de Lugo, Rubén Arroxo. En primeiro lugar mostroulle o seu desexo de que se erradique este tipo de comportamentos, o que, ao seu xuízo, ten que pasar "por un traballo colectivo".
Rubén Arroxo tamén se interesou por coñecer en que vía pública "con luz nula" produciuse o incidente para intentar solucionar esa deficiencia cos técnicos. Trátase do tramo da Rúa Xosé Novo Freire máis próximo á Avenida de Madrid, que se atopa nas inmediacións do campo de fútbol da Polvoreira.
"Algo sacamos deste incidente. Pasiño a pasiño", colgou nas redes sociais a denunciante, tras coñecer de primeira man que o Concello de Lugo ten intención de remediar esa insuficiente iluminación pública.
