Ata tres vehículos da Policía Nacional mobilizáronse á primeira hora da noite deste domingo na rúa Camiño Real de Lugo tras recibir unha alerta por un altercado que non existía.
A Policía informou de que se mobilizou un dispositivo tras a chamada dun mozo, pero que finalmente comprobou que non había ningún problema no lugar.
Desprazáronse varias patrullas debido a que na rúa hai problemas de convivencia con frecuencia debido á presenza de okupas en varias vivendas.
