miércoles. 01.04.2020 |
El tiempo
miércoles. 01.04.2020
El tiempo

Mitos non saudables

A charla ofrecida nas Mercedes. XESÚS Ponche
A charla ofrecida nas Mercedes. XESÚS Ponche
Estudantes do grao de Nutrición do campus lucense ofreceron este xoves unha charla no CIFP As Mercedes sobre hábitos alimentarios

Se unha persoa se medica contra o colesterol, non debe consumir os produtos lácteos que se comercializan para contrarrestar esa patoloxía. Esta foi unha das curiosidades que tres universitarios do último curso do grao de Nutrición do campus de Lugo revelaron durante a charla sobre alimentación saudable que ofreceron este xoves aos alumnos de segundo do ciclo superior de Mercadotecnia e Publicidade do Centro Integrado de FP As Mercedes da capital lucense.

Estes tres universitarios, que forman parte da asociación Adinu Galicia, especializada na divulgación sobre nutrición, centraron a súa intervención en botar abaixo mitos; axudar a coñecer como se deben etiquetar os alimentos, por exemplo os que están catalogados como ecolóxicos, e informar as alerxias e diferentes dietas, como a vegana e a vegetariana, entre outras.

Ademais de impartir a charla, interactuaron coa vintena de alumnos asistentes cun xogo que consistía nun cuestionario tipo test que se respondía a través dunha aplicación informática para distinguir se unha dieta é saudable ou non.

A iniciativa correu a cargo dun grupo de alumnos de Mercadotecnia do CIFP As Mercedes que teñen que organizar eventos para a materia de Relacións Públicas. A estes xeráballes "curiosidade" todo o que ten que ver coa alimentación saudable, polo que invitaron a estes estudantes que forman parte da asociación Adinu Galicia.

Mitos non saudables
Comentarios