A FIRMA LUCENSE As miñas Marinillas ofrece toda clase de complementos artesáns para a muller elaborados en pel. A lucense Mónica García é a que artesá que se esconde detrás deste nome comercial e que chega ao ArteSanFroilán con varias novidades e algunhas coleccións que xa chamaron moito a atención do público.
"Poño pel auténtica a todas as pezas que fago. É pel procedente do consumo alimentario ao cento por cento e con elas confecciono bolsos de boca para fóra, moedeiros, aneis, pendentes. Tamén aceptamos calquera encargo personalizado, tanto para home como para muller", recalca a propietaria da empresa.
As pezas que máis tirón tiveron durante os primeiros días de feira foron os bolsos, que poden atoparse desde "65 euros ata os 110 das pezas máis exclusivas", mentres que os moedeiros de boca para fóra manteñen un prezo de 15 euros, e todo iso confeccionado con pel "nacional de primeira calidade", advirte Mónica García.
O produto estrela desta tempada son as máscaras de protección. Os meus Marinillas confeccionou unha variedade enorme. "Son máscaras con filtro feitas con teas que contan con todos os certificados e garantías sanitarias. Temos máis de 200 estampados diferentes, desde flores a debuxos de Frida Kahlo, e de La Casa de Papel", detalla.
"Teño máis de 200 obras de arte á venda"
Regal céramica é unha empresa de cerámica radicada en Viveiro desde fai máis de medio século, aínda que oriúnda de Foz. á fronte atópase o artesán Alfonso Otero Regal, que unha edición máis, volverá pór á venda as súas obras cerámicas de gran colorido na feira ArteSanFroilán.
Otero Regal é, ademais, un experimentado empresario do gremio e as súas obras poden verse por toda Europa, aínda que por culpa da pandemia esta será unha das primeiras feiras do sector que visite este ano. "Estamos afeitos ir a eventos en Madrid, Barcelona, Londres ou París, pero esta tempada non puidemos", asegura o artesán mariñán, quen nesta ocasión porá á venda máis de 200 creacións diferentes na súa caseta de ArteSanFroilán, cunha alta porcentaxe delas confeccionadas en gres cerámico.
As súas esculturas e cadros cerámicos son alcanzables para todos os petos. Así, as súas obras máis económicas arrincan desde os 6 euros e as que máis horas de traballo supuxeron para o artista lucense chegan ata "os 600 ou 700 euros, xa que son figuras de ata 80 centímetros de alto moi traballadas e horneadas a 1340 graos".
Otero Regal adquiriu fai 15 anos unha fábrica en ruínas de curtidos do século XVII e restaurouna para convertela no complexo Regal Xunqueira, con dous museos e recibe cada ano 10.000 visitas".
