Microbioloxía do Hula triplicará a súa capacidade de diagnóstico de Covid-19

O laboratorio de Microbioloxía do Hula é, evidentemente, unha peza crave na actividade diaria do hospital, pero foi novo coronavirus SARS-Cov2 o que axudou a que moitos se familiaricen co seu traballo. Na desescalada, o seu labor será aínda máis visible, xa que debe garantir o diagnóstico rápido e eficaz dos novos casos nun contexto no que se aspiran a saber en 24 horas. Para iso, incorpora equipos e persoal que lle permitirán multiplicar por tres a súa capacidade de facer PCR. 

Esta é unha proba habitual na área de Bioloxía Molecular do servizo, xa que se utiliza en moitas outras enfermidades, comor exemplo o herpes, a meninxite vírica e, por suposto, a gripe. Pero a pandemia de Covid-19 disparou o seu uso a cifras ata agora descoñecidas no laboratorio do Hula. Para decatarse de ata que punto basta fixarse en dúas cifras. Entre o 1 de marzo e mediados de maio de 2019, o servizo do hospital lucense realizou 1.748 PCR. No mesmo período deste ano fixo 11.126, das que 8.925 foron para diagóstico de Covid-19. 

"Arroiounos. Hai que ter en conta que nos días do pico recibiamos 300 peticións ao", recoñece a xefa de servizo, Pilar Alonso. Isto produciuse ademais nun contexto global de escaseza de reactivos.

O mundo enteiro facendo en masa a mesma proba á vez non axuda á dispoñibilidade dese material. Simultaneamente, os transportes atopábanse limitadísimos e quizais si se atopaba no mercado un determinado equipo pero tardaba en chegar. A pesar de todo o laboratorio do Hula logrou cumprir. 

Durante o pico de casos de Covid-19 o laboratorio de Microbioloxía do Hula recibía máis de 300 solicitudes diarias de PCR

PERSOAL. "Hai que destacar a implicación do persoal. Todo o mundo respondeu e estou orgullosa da contribución de todos", admitiu a doutora Alonso. Ademais de incrementar o persoal —son agora 15 técnicos de laboratorio, seis microbiólogos co aumento dun, tres auxiliares administrativos logo de sumar un, unha supervisora e unha enfermeira— tamén se estendeu o horario. Desde que empezou a crise do Covid-19 permanece aberto tamén os festivos. 

Durante o momento de maior número de solicitude de probas contouse coa colaboración do Laboratorio de Sanidade Animal e unha empresa privada, que asumiron parte das PCR da área sanitaria de Lugo, así como das de Ferrol e Ourense. 

Coa suma de strong<> novos equipos que están a chegar ao Hula, o laboratorio do hospital lucense poderá ser autónomo e realizar en solitario todas as PCR de Covid- 19 que sexa preciso facer a partir de agora.

Esta mesma semana abriuse a posibilidade de que os médicos de Primaria pidan directamente a proba para todos os pacientes dos que se sospeite a enfermidade. Como ata agora, os pacientes terán que acudir ou ben ao hospital para que se lles recolla a mostra de exudado nasofaríngeo ou ben recibir a un equipo extractor en casa. 

Coa suma de equipos e persoal espera poder funcionar a partir de agora de forma autónoma e asumir todas as probas

Polo momento non se contempla a posibilidade de que se tome a mostra nos centros de saúde, fundamentalmente por unha cuestión de conservación e transporte da mostra desde ese punto ata o laboratorio de Microbioloxía. A doutora Alonso recoñece que a PCR é unha desas probas cuxa precisión depende en gran medida de que a persoa que a toma teña formación e experiencia. é o caso das enfermeiras que o fan agora polo que inicialmente non se pensou en cambiar o modelo. 

Agora Microbioloxía traballa tamén en responder á volta á actividade convencional do hospital.