A alcaldesa de Lugo, Lara Méndez, explicou este martes na Cume do Cambio Climático a súa estratexia de deseño de cidade sostible. En Madrid, a rexedora destacou "a revolución urbanística e de xeración de economía verde" que suporá a construción do primeiro barrio multiecolóxico.
Méndez apostou por dar "pasos crave" a través de políticas locais cara a unha transición "xusta" dun novo sistema social e económico "ecosustentable".
📌O primeiro sector que se revolucionará será o forestal, xa que a madeira autóctona será o elemento construtivo do barrio.
— Lara Méndez López (@LaraMendezLopez) December 3, 2019
🖇 Máis info: https://t.co/AcfN2QW0hK#TempodeActuar #COP25 pic.twitter.com/o5q6nbAji5
A rexedora explicou que "ademais de ser o modelo de cidade", estas medidas "innovadoras son exportables a cidades de tamaño medio de toda Europa".
Méndez explicou así o proxecto Life Lugo Biodinámico, co que o Concello está a desenvolver unha iniciativa pioneira no deseño das cidades sostibles do futuro usando a madeira como elemento estrutural de construción.
► Así será o barrio multiecolóxico da Garaballa
Vázquez participou este martes nun encontro sobre a auga en Galicia ante o cambio climático, organizado polo grupo Suez no marco da COP25.
A súa participación, de feito, coincidiu coa votación e aprobación no Parlamento galego da lei de medidas de garantía do abastecemento nos episodios de seca e nas situacións de risco sanitario.
Con esta lei, a Xunta aspira a asegurar "unha resposta planificada e coordinada" das administracións públicas fronte aos episodios que comprometen o abastecemento de auga á poboación.
Segundo resaltou a conselleira, "a pesar da crenza común, Galicia precisa adaptar a súa xestión da auga ao novo contexto climático", resalta o departamento autonómico nun comunicado.