A alcaldesa de Lugo, Lara Méndez, reclamou a "implicación" persoal "de todos" os veciños da cidade para tratar de frear os contaxios da covid-19, porque a pesar das restricións establecidas hai quince días, co peche perimetral do municipio e de hostalería, "os datos non son bos".
"A preocupación é compartida entre o goberno local e a xerencia da área sanitaria", recoñeceu, "porque os datos non son bos" e obrigan a seguir "traballando e incidindo na concienciación cidadá". Nese sentido, Méndez recordou que "todos somos imprescindibles" para darlle a volta "a esta situación".
Por iso, fixo un chamamento aos cidadáns para que non se concentren cando "van buscar un café" para tomalo na rúa ou nos seus postos de traballo, así como para que non se formen "grupos" de pais ás portas de colexios cando van recoller ou a buscar aos seus fillos.
Logo de falar este xoves a con as autoridades sanitarias, confirmou, ademais, a existencia de máis focos de contaxio na cidade, sobre os que xa ese está a traballar para cortar as cadeas de transmisión.