A alcaldesa de Lugo, Lara Méndez, informou de que lle enviou unha carta ao presidente da Xunta de Galicia, Alfonso Rueda, para solicitarlle un encontro no que "poder abordar, desde a lealdade e a cooperación", os "desafíos de futuro que encara o municipio".
Nesa misiva, logo de felicitalo polo seu nomeamento, a alcaldesa insta Roda a retomar os "asuntos que Núñez Feijóo deixou pendentes na cidade", actuacións que permitan que Lugo se sitúe ao nivel doutras grandes capitais galegas".
"Confío en que esta nova etapa que comeza sexa de entendemento e de sintonía entre ambas as administracións, porque Lugo ten aínda moitos retos que alcanzar para situarse ao nivel doutras grandes capitais galegas", dixo a alcaldesa.
Na mesma liña, a rexedora local afirma nesa carta que "son moitos os proxectos que o goberno autonómico ten comprometidos desde hai anos cos lucenses. Ten a seguridade de que desde o Concello só atoparás colaboración para avanzar neles".
