A alcaldesa de Lugo, Lara Méndez, avanzou que o seu goberno traballa coa vista posta no peche do local "conflitivo" da rúa Tui, onde este fin de semana produciuse unha nova redada, así como de calquera "que non cumpra a normativa".
Méndez recordou o último operativo realizado no after As Palmeiras, este mesmo fin de semana, e sinalou que o establecemento foi obxecto de cinco inspeccións nos últimos meses dada a "controversia" que xera na zona.
Fronte a isto, e coas críticas dos veciños a favor, o Concello traballa no "seguimento dos incumprimentos" deste local "para chegar a ese fin que é o peche".
Lara Méndez dixo que o seu goberno leva pechados, nos últimos meses, nove locais e avanzou que iso é o que se fará con calquera "que non cumpra a normativa".
