Unha patrulla da Policía Local localizou na Praza Maior de Lugo a tres nenos pequenos que se perderon no feiral de San Froilán, á primeira hora da tarde do pasado luns, día 11 de outubro, nun momento no que había centos de persoas na zona das atraccións de feira.
Sucedeu ás 16:20 horas, cando un matrimonio alertou a unha das patrullas da Policía Local que realizaba labores de vixilancia no recinto feiral de que perdera aos seus dous fillos, de 6 e de 8 anos, así como á súa sobriña, de 9 anos.
De inmediato, os policías avisaron a todas as patrullas de servizo do sucedido e facilitaron por radio a descrición dos menores.
Finalmente, os nenos non estaban no recinto feiral, senón que se botaron a andar e chegaron á Praza Maior da cidade, onde foron localizados por unha patrulla da Policía Local.