É unha rara avis dentro do panorama musical lucense. O DJ lucense Marcos Peón gañouse un posto entre os creadores de música funky e house do vello continente a base de esforzo, talento e interminables horas de viaxes durante os fins de semana.Éé un cu de mal asento como así o demostra a súa traxectoria repleta de recoñecementos e éxitos por medio planeta.
As súas creacións saídas da mesa de mesturas son recoñecibles en España, Italia, Suíza, Estados Unidos, Francia ou Reino Unido.
Precisamente, desde as illas británicas é desde onde chega o seu último recoñecemento internacional. O single I got to shake it permanece no top ten da lista máis importante de música house do mundo.
O lanzamento da canción produciuse o 7 de agosto, e dúas semanas despois xa soaba como tema destacado nas emisoras especializadas neste xénero de Europa. Que o seu selo estivese radicado en Londres foi un punto de despegamento esencial na fulgurante traxectoria do pegadizo single.
"Non nos esperabamos que o éxito fose tan inmediato. Aos quince días da súa saída ao mercado xa era unha das cancións destacadas en listas en Alemaña, España, Israel, Estados Unidos e Canadá", admite o propio creador musical lucense. "Tamén nos axudou moito que algúns dos mellores DJs europeos fixesen as súas propias versións do noso tema I got to shake it".
Marcos Peón recoñece que o seu selo musical, DeVuu Records, axudoulle a abrir moitas portas no Reino Unido. "Grazas á nosa compañía puidemos entrar en moitos mercados europeas porque son un selo de house moi recoñecido mundialmente", comenta.
O DJ tivo a inestimable colaboración de DJ Frisco, o seu inseparable compañeiro de aventuras profesionais durante a última década. O trío de éxito pechouse coa colaboración da vocalista ucrania Stacei, que puxo voz á última creación de ambos os DJs.
"É unha das cantantes de música house máis recoñecidas en Ucraína, onde ten status de estrela. Ademais, foi remasterizado por xente moi importante e os mellores enxeñeiros de sons ucranios", recoñece.
NOVO SINGLE. O inesperado éxito de I got to shake it abriulle ao lucense unha nova vía de desenvolvemento musical. A repercusión mediática fixo que "unha figura a nivel mundial da música house, entre os dez mellores produtores do sector, aceptara realizar unha colaboración connosco", comenta Peón, que de momento non pode desvelar o nome do colaborador nin o título do single, que pretende seguir o precedente do seu actual éxito.
"Aínda non podo desvelar nada, nin comentar os nomes dos colaboradores por temas de em <>copyright, pero vai ser un auténtico bombazo", asevera.
O inesperado éxito chega logo de superar todas as trabas que supuxo o confinamento, aínda que de todo pódese extrae unha parte boa.
"Co confinamento forzoso tivemos máis tempo para pasar no estudo de gravación e sacar máis ideas para novos proxectos. Agora podemos dicir que canto máis tempo pasou no estudo máis repercusión teñen os meus temas", explica Marcos Peón quen viu como esta semana como o seu tema I got to shake it superaba as 20.000 reproducións na plataforma dixital Spotify.
CON FERNANDISCO. O DJ lucense aproveitará este tempo en casa para preparar os seus próximos proxectos entre os que destaca a colaboración cun dos locutores radiofónicos máis relevantes do país das últimas tres décadas: Fernandisco.
"En 2021 volveremos rescatar un proxecto persoal xunto a Fernandisco, nunha serie de festa na época estival grazas a unha discoteca móbil. Chamarase Star People onde picaremos éxitos musicais desde década de 1970 do pasado século ata os temas máis pegadizos da actualidade".
Grazas ao talento que atesoura, pódese afirmar que o mundo non xira, móveo Marcos Peón.