O grupo municipal de Lugonovo chamou a atención sobre a situación de risco que se produce no cruzamento da Ronda da Muralla con Cidade de Viveiro, en especial no que se refire aos peóns. Neste sentido, a portavoz do grupo, Cristina Pérez Herráiz, urxiu ao equipo de goberno a que revise a ordenación do tráfico en devandito punto.
"A visibilidade sobre o paso de peóns é practicamente nula para os condutores que baixan do Parque e se queren incorporar á Ronda, de maneira que se un peón agarda para cruzar na marxe dereita, ao carón dous edificios e fronte ao monumento, non é posible decatarse da súa presenza ata estar xusto diante do semáforo", explicou Pérez Herráiz. En especial, considerou perigoso que a sinalización vertical permita o tránsito simultáneo de persoas en verde e dos vehículos procedentes desa rúa en ámbar.