viernes. 18.09.2020 |
El tiempo
viernes. 18.09.2020
El tiempo

Lugo ten tirón entre os turistas nacionais, que ven segura a cidade

Grupos de visitantes ante a catedral. VITORIA RODRÍGUEZ
Grupos de visitantes ante a catedral. VITORIA RODRÍGUEZ
A capital encheuse de visitantes no arranque de agosto, aínda que moitos non pasan a noite â?? Na catedral destacan que empezaron a chegar turistas estranxeiros, ausentes en xullo

Lugo mantén o seu tirón turístico, con visitantes de orixe nacional que encheron a cidade no arranque de agosto. Madrid, Benavente, Bilbao ou Cidade Real eran os lugares de orixe dalgúns dos visitantes chegados este fin de semana a Lugo, que, no medio da crise do Covid, afirmaban que ven segura a cidade e sentíanse en Lugo tan tranquilos como nos seus lugares de orixe.

Chegan para coñecer Lugo e tamén a provincia e varios repiten un mesmo patrón, xa que son de Madrid e alóxanse en Ribadeo. é o caso de María José Matamoros. Os madrileños Sonia e David explicaban que tras visitar o ano pasado as Rías Baixas, optaron este ano por coñecer “o interior”.

Moitos están en Lugo de paso porque se dirixen a outros destinos. Manuel Veiga, de Madrid, destacou a “beleza sen igual da cidade”, logo de visitar o Museo Provincial e a Domus do Mitreo. “Agora dirixímonos a Pambre e decidimos parar”, recoñeceu. Do mesmo xeito, Sonia e Vicente de Baracaldo pararon para descubrir Lugo, xa que o seu destino está nas Rías Baixas. Outros madrileños, María Jesús e José Ramón quedaron sorprendidos coa tranquilidade da cidade lucense na súa parada de camiño a Corcubión.

Outros veñen desde Asturias, como Tomi Rodríguez, e coincide con Adonay Sánchez, de Cidade Real, en que “Lugo ten cousas moi bonitas, a catedral é preciosa e a muralla impresionante, así como centro”. Tomi só lamentou non poder subir ao museo da catedral por non estar habilitado para persoas con discapacidade.

Catedral. Aínda que a maioría de visitantes son españois, tamén empezan a chegar estranxeiros. “Tivemos xente holandesa, inglesa e belga, cando en xullo o turismo era só nacional”, afirma Eva María Expósito, coordinadora das visitas guiadas á catedral, da empresa Artisplendore.

Expósito destacaba a responsabilidade dos visitantes á hora de aceptar as normas polo Covid. “Temos dispoñible a audioguía para excepcións, pero preferimos dar un código QR por unha cuestión de hixiene”, explicaba sobre o funcionamento das visitas á catedral.

Lugo ten tirón entre os turistas nacionais, que ven segura a cidade
comentarios