As contratacións de persoal polo covid derivaron en que falta persoal de enfermería en Lugo para cubrir as necesidades do verán, cando o persoal estable colle vacacións. A consecuencia é que Lugo sofre neste momento un déficit dunhas cen enfermeiras, segundo Satse.
A central reclama que se contrate persoal en condicións dignas e di que ''resulta incomprensible que as distintas xerencias do Sergas estean a denegar de forma sistemática os días de permiso, libre disposición ou incluso vacacións, aludindo á falta de persoal para substitucións''.
Verónica Peteiro apunta a que a situación xa fora difícil durante o ano, ''pero se agudizou aínda máis coa chegada do verán e o período vacacional de gran parte do persoal''. Peteiro sostén que as principais necesidades do gremio pasan
Desde o Colexio de Enfermería de Lugo resaltan dous problemas estruturais que derivaron na actual situación do sector, a falta de planificación en canto a substitución xeracional e a notoria eventualidade dos contratos de traballo.
Lourdes Bermello, presidenta desta entidade, considera que se debe de fomentar unha tendencia cara a unha eventualidade menor, porque a demanda existe''. ''A prioridade debe ser a eliminación de contratos precarios de apenas poucos días de duración'', engade.
Pola súa banda, o Servizo&Galego nbsp;de Saúde afirma estar comprometido coa incorporación de persoal de enfermería con contratos de longa duración para as áreas sanitarias de Lugo, Monforte e A Mariña.
Señalan ademais a contratación de tres novos enfermeiros especialistas en enfermería familiar e comunitaria con vínculo fixo. Resaltan tamén a extensión de contrato a máis de 40 profesionais na provincia que contaban con contratos de seis meses de duración.
O Sergas admite que ''nos meses de xullo e agosto pode darse algunha incidencia nalgunha área especial xa que se debe garantir a actividade''.