A capital lucense viaxa a partir deste xoves no tempo para celebrar durante catro días a súa festa de recreación histórica, o Arde Lucus, que recuperará o esplendor que tivo antes da pandemia, cando atraía miles de visitantes, chegados de toda España e incluso do estranxeiro.
Os aloxamentos e os restaurantes da cidade e incluso de municipios limítrofes xa case non teñen prazas libres, sobre todo para o fin de semana.
Desde este xoves e ata o vindeiro domingo o Arde Lucus, que se encamiña cara ao seu recoñecemento como festa de interese turístico internacional, ten programados máis de 400 actos.
21.00. Os Augures bendín ás tropas e os estandartes. Termas romanas.
22.00. Acendido do lume sacro de Vesta. Fondo da Praza Maior.
22.30. Bacanal Romana. Calella do Hospital.
A festa arrinca na noite deste xoves, ás 20.30 horas, coa plástica entrada das lexións romanas e a toma da cidade na ponte vella e finalizará o día 12 co concerto do trío Tanxugueiras, a partir das 21.30 horas, na Praza de Santa María.
Outra das grandes citas musicais será na noite do sábado ao domingo, ás 0.30 horas, coa actuación da banda escocesa de folk Saor Patrol, tamén na Praza de Santa María.
As 19 asociacións lucenses de recreación histórica volverán dar cor cos seus campamentos, situados en once escenarios diferentes, a esta festa multitudinaria que se vive na rúa. O seu día grande será o sábado co seu macrodesfile pola Ronda da Muralla, a partir das 20.30 horas.
O Arde Lucus recuperará o circo romano, que se celebrará o sábado a partir das 18.00 horas na explanada do Pavillón Municipal. Xa se colgou o cartel de non hai entradas.
Unha das grandes novidades nesta 21ª edición é o
A concellaría de muller instalará dous puntos violetas, nas prazas Horta do Seminario e Fernando de Casas Novoa, co fin de que o Arde Lucus sexa unha festa libre de agresións machistas.