O municipio de Lugo entrou este mércores no nivel máximo de alerta, o tres, por sumar máis de 112 contaxios por coronavirusna última semana. Ademais, A Consellería de Sanidade activou o nivel laranxa en Monforte e o amarelo en Cospeito e Bóveda. Vilalba, Baleira, Bóveda continúan en nivel dous.
Desde a área sanitaria de Lugo vinculan o aumento de contaxiados na cidade da muralla ás reunións familiares, un tipo de contacto que se intensificou desde a ponte de San Froilán e o do Pilar.
No caso de Bóveda, os contaxios sitúanse nun brote nunha residencia de persoas con discapacidade. Segundo os últimos datos achegados pola Consellería de Política Social xa son sete os usuarios afectados por covid neste centro, así como catro traballadores que deron positivo.
Do mesmo xeito, segundo informou o Concello de Vilalba, a cifra de persoas con PCR positiva na localidade incrementouse na última xornada desde os 11 ata
GALICIA. No conxunto da comunidade hai 21 concellos en nivel vermello, oito máis que o martes, ao activarse o aviso en Pontevedra, Poio, Tui, Salvaterra, A Estrada, Mesía e Oleiros.
Ademais, segundo consta no mapa 'semáforo' actualizado diariamente por Sanidade, continúan no nivel tres pola pandemia os concellos de Ourense, O Carballiño, O Barco, Verín, Santiago, Arteixo, A Laracha, Narón, Culleredo, Ordes, Ames, Vilagarcía de Arousa e Cangas do Morrazo.
Mentres, en situación 2 –no nivel laranxa do mapa– sitúanse 15 municipios, catro menos que o martes. Trátase de Ferrol, A Coruña, Carballo, Teo, Vilanova de Arousa, Lalín, Marín, Vigo, Nigrán, Gondomar, Mos, O Porriño, Barbadás, Boborás e Monforte de Lemos.
En cor laranxa inclúense municipios de máis de 50.000 habitantes con 56 e 111 casos novos de covid-19 á semana por 100.000 habitantes e nos de menor poboación que presenten entre 14 e 20 casos.
