martes. 19.01.2021 |
El tiempo
martes. 19.01.2021
El tiempo

Lugo dedicará 300.000 euros a axudas ao aluguer e pódense pedir ata o día 3

Anuncio dun piso de aluguer en Lugo. XESÚS PONTE
Anuncio dun piso de aluguer en Lugo. XESÚS PONTE
En 2021 darase preferencia ás vítimas de violencia de xénero e ás familias con fillos ou con persoas dependentes ao seu cargo, así como a mozos de ata 35 anos

O Concello destinará 300.000 euros ao seu programa de axudas ao aluguer, que se poderán solicitar ata o próximo día 3. Neste momento, 136 persoas benefícianse das axudas municipais e a edil de benestar, Olga López Racamonde, recordou que en 2021 darase preferencia ás vítimas de violencia de xénero e ás familias con fillos ou con persoas dependentes ao seu cargo, así como a mozos de ata 35 anos.

Os solicitantes deberán entregar a documentación no rexistro do Concello, para o que é imprescindible solicitar cita previa no 010, ou en calquera outro rexistro oficial. A petición de axudas tamén se poderá facer vía telemática, a través da https://www.lugo. gal/portal/trámites

O impreso pode descargarse na web municipal (www.concellodelugo.gal ) no apartado de trámites e tecleando o número 282 no espazo de claves.

Os solicitantes deberán achegar os seus datos e os de todas as persoas que conviven na vivenda, que deberán estar empadroadas en Lugo, no domicilio para cuxo pago se solicite a axuda.

A concellaría de benestar recordou que os animadores socioculturais dos centros sociais Maruja Mallo e Milagrosa axudan aos interesados a preparar a documentación. Os receptores actuais reciben unha axuda mensual de entre 45 e 175 euros, en función da súa renda.

Lugo dedicará 300.000 euros a axudas ao aluguer e pódense pedir ata...
comentarios