Ramón Ares recolleu este xoves en Santiago de Compostela o premio Redacción Médica á mellor área sanitaria de Galicia. O conselleiro de Sanidade, Jesús Vázquez Almuiña, foi o encargado de entregar o galardón ao xerente da área, que acudiu acompañado de gran parte do seu equipo.
Este galardón, concedido pola editora Sanitaria 2000, ten como obxecto recoñecer as iniciativas de maior interese, as mellores prácticas e as traxectorias máis destacadas do sector sanitario. Na cerimonia, presidida por Alberto Núñez Feijóo, entregáronse en total 13 premios, que distinguiron o labor de distintos servizos, centros de saúde e profesionais do Medicamento e a Enfermería.
