A alcaldesa de Lugo, Lara Méndez, convocou aos demais grupos políticos a unha xunta de portavoces que se celebrou esta mañá de venres, unha reunión extraordinaria na que lles propuxo aos representantes dos demais partidos homenaxear a todos os alcaldes do período democrático coa concesión da Medalla de Ouro da cidade.
"Este ano, no que celebramos o corenta aniversario da chegada da democracia ao noso país, o pleno do Concello de Lugo quere recoñecer o labor dos alcaldes que estiveron á fronte do Concello desde que en abril de 1979 os votos dos e das lucenses impulsaron unha nova etapa de apertura, liberdade e modernización", dixo a alcaldesa.
Por iso, solicitará no próximo pleno que todas as forzas políticas con representación adopten un acordo por unanimidade para conceder a Medalla de Ouro da cidade aos alcaldes Xosé Novo Freire, Vicente Quiroga, Tomás Notario, Joaquín García Díez e José López Orozco.
Esa proposta xa foi aceptada por unanimidade na propia xunta de portavoces.
