O Salón Internacional do Cabalo de Galicia, Equigal, que está considerado como "a proba de referencia do noroeste peninsular" no concurso morfológico de pura raza española, recupera este fin de semana "os niveis de participación prepandémica", segundo destacou este venres o xerente do Pazo de Feiras e Congresos de Lugo, Rubén López.
Neste concurso, que arrincou este venres e concluirá este domingo pola mañá, participan 85 exemplares de 38 ganderías de Galicia, Asturias, Castela e León, Cantabria, Cataluña, Valencia, Madrid, Castela-A Mancha e Estremadura e incluso algúns chegados desde Costa Rica.
A proba lucense é puntuable para o Salón Internacional do Cabalo (Sicab) de Sevilla, que terá lugar o próximo mes de novembro, que está considerado como o campionato do mundo desta raza.
Un exemplo da repercusión do de Lugo é que, segundo puxo de manifesto Rubén López, participan máis exemplares que no Campionato de Andalucía de Cabalos de Pura Raza Española que tamén se celebra este fin de semana en Xaén, onde compiten uns 65.
Equigal, que vén celebrando desde 2008, xa tivo a súa primeira sesión o pasado fin de semana co concurso morfológico de pura raza árabe
O domingo por pola tarde celebrarase unha exhibición de pura raza galega e a copa galega de enganche federado, no que están inscritos máis dunha vintena de exemplares de 14 ganderías.
EN TRES FINS DE SEMANA. Equigal, que vén celebrando desde 2008, xa tivo a súa primeira sesión o pasado fin de semana co concurso morfológico de pura raza árabe, no que participaron 51 exemplares, e concluirá co concurso nacional de salto de obstáculos, que terá lugar entre os días 15 e 17, que xa conta con 92 inscritos.
á inauguración do Salón Internacional do Cabalo de Galicia, que ten na Deputación Provincial como a súa principal fonte de financiamento con 40.000 euros, asistiron este venres a alcaldesa de Lugo, Lara Méndez; o deputado provincial de promoción económica e social, Pablo Rivera, e a subdelegada do Goberno, Isabel Rodríguez.
