Dous lucenses sentarán o vindeiro xoves no banco dos acusados da Audiencia Provincial da Lugo&presuntamente abusaron de dous menores de idade, que non alcanzaban os 16 anos.
A Fiscalía solicita para un dos acusados catro anos e un día de prisión por dous delitos de abuso sexual consumado a menor e 3 anos e 11 meses máis por outro en grao de tentativa. Para o outro procesado pide catro anos e un día de cárcere por dous delitos de abuso sexual consumado.
Cada un dos acusados realizou os actos que lles imputan en dous días diferentes. Un deles a noite do 30 de outubro de 2018, cando invitou ás dúas vítimas a acudir ao seu domicilio, sito na capital lucense, onde consumiron alcol e marihuana. Entón as menores quedaron durmidas e o procesado presuntamente fíxolles tocamentos e simulou realizar o acto sexual encima de cada unha delas.
Os actos que se lle atribúen ao segundo acusado prodúcense ao día seguinte, no lugar onde residía neste momento en Lugo, ao que acudiron as dúas menores a ducharse e descansar. Tras quedar durmidas, supostamente realizoulles tocamentos a ambas.
En ambos os casos concorre a circunstancia agravante de superioridade. O ministerio público solicita ademais para ambos os procesados a prohibición de comunicarse por calquera medio ou achegarse ás vítimas durante dez anos.
