Un lucense conseguiu un premio de 100.000 euros tras adquirir cinco boletos do cupón da fin de semana da Once.
Ángel Iglesias, o vendedor que repartiu a sorte, detallou este luns que os cupóns premiados foron adquiridos por un único cliente, un habitual que xoga todas as semanas ao mesmo número.
Iglesias, que leva uns 14 anos traballando como vendedor da Once na Praza de Santo Domingo, estaba este luns encantado de vender os boletos premiados, aínda que quedaba a pena de que a contía non fora aínda maior. "Os boletos de Lugo eran da serie dez e se fosen da once o gañador levaría un premio directo de 300.000 euros máis outros 60.000 euros anuais durante vinte anos", contaba este luns o vendedor.
O vendedor estaba este luns encantado de repartir un bo tanto e alegrábase de que o gañador fose unha persoa que compra todas as semanas e, xa que logo, é un colaborador habitual da Once. Ángel Iglesias destacaba que o premiado é tan fiel ao número que gañou este domingo que o reserva incluso cando non vai estar en Lugo.
Iglesias, natural de Friol e que viviu longo tempo en Bilbao, leva varios lustros traballando como vendedor do cupón en Lugo, case sempre en Santo Domingo.
