A iluminación do Nadal da cidade acenderase este ano o 5 de decembro e permanecerá en funcionamento ata a noite do 6 ao 7 de xaneiro, segundo informou a concellaría de cultura. A iluminación será similar á do ano pasado, cando resultou moi polémica porque o atraso na contratación provocou que as luces non puidesen acenderse ata o día 14. Lugo foi a última cidade galega en pór en funcionamento a decoración do Nadal.
As luces chegarán durante a campaña de festas a un total de 48 rúas e prazas. Cubrirán o centro de Lugo, as rúas máis amplas e comerciais, como a avenida da Coruña, a Ronda das Fontiñas e a Rúa San Roque, e algunhas vías de barrios emblemáticos, como A Milagrosa, Recatelo e A Ponte.
O custo total da iluminación será este ano de 120.087 euros
Na Praza Maior haberá unha bóla e un rótulo na parte superior das escaleiras, unha figura fronte ao consistorio e arcos en varios puntos do espazo.
A decoración estará formada por motivos alegóricos referidos ás festas de Nadal, con preferencia de cores frías, e no caso do Camiño Primitivo, con referencias á ruta xacobea. O custo total da iluminación será este ano de 120.087 euros.
